ЯҢАЛЫКЛАР

21 ноябрьдән 23 ноябрьгә кадәр “Идел” яшьләр үзәгендә Коррупциягә каршы тору фронты” коррупциягә каршы актив мәктәбе узган.

3-6 декабрьдә Татарстанда “Медиапространство”/“Медиакиңлек” бөтенроссия студентлар медиафорумы була. Форум Россиянең студентлар массакүләм мәгълүмат чараларын һәм матбугат үзәкләрен үстерү мәйданына әверелер дип планлаштырыла. Чара нәтиҗәләре буенча илдә студентлар медиасының үсеш перспективаларын билгеләячәк резолюция кабул итү күздә тотыла.

Иртәгә Казанда Державин укулары» XI Бөтенроссия фәнни-гамәли конференциясе ачыла.  Бу хакта журналистларга Бөтенроссия дәүләт юстиция университеты ректоры Ольга Александрова, Бөтенроссия дәүләт юстиция университетының икътисад, финанслар һәм стратегик үсеш буенча урынбасары Дмитрий Гурьев, ТР мәгариф һәм фән министрының беренче урынбасары Андрей Поминов, Казан (Идел буе) федераль университеты ректорының беренче урынбасары Рияз Миңзарипов сөйләде.

ТР Мәгариф һәм фән министрлыгына быел 10 айда гражданнардан 6 меңгә якын мөрәҗәгать кабул ителгән. Шулардан 248е коррупция мәсьәләсенә кагыла.

2015 елның 20 ноябрендә Мәскәү өлкәсе Мытищи шәһәрендә "Россиянең ел тәрбиячесе-2015" Бөтенроссия конкурсына йомгак ясалды. Татарстаннан Бөгелмә шәһәренең 14нче прогимназиясе тәрбиячесе Людмила Барабошкина "Хезмәттәшлек педагогикасы" номинациясендә җиңү яулады. "Россия ел тәрбиячесе-2015" конкурсының абсолют җиңүчесе дип Санкт-Петербург шәһәреннән Наталья Одинцова табылды.

Азнакай шәһәренең 7 нче мәктәбе базасында урнашкан психологик-педагогик хезмәт пункты ныклы таяныч булып тора. Үзәккә психологик ярдәмгә мохтаҗ һәркем мөрәҗәгать итә ала. Пункт агымдагы елның сентябрь башыннан эшли башласа да, кичә, ягъни 24 ноябрьдә аны рәсми ачу тантанасы булды.