ЯҢАЛЫКЛАР

Яр Чаллы 35 һәм 31 мәктәпләрендә “Президент спорт ярышлары” бөтенроссия спорт уеннарының республика этабы финалы узды. Монда Бөгелмә, Түбән Кама, Лениногорск, Азнакай, Арча, Әлмәт, Алабуга, Зәй, Яр Чаллы, Казан гомум белем бирү оешмаларыннан 200 укучы катнашты. Ярышларның баш судьясы – Терентьев В.К.

“Хезмәткә һәм оборонага әзер” Республика һөнәри белем бирү оешмалары укучылары Спартакиадасы кысаларында Алабуга политехника көллиятендә Көрәш буенча финал ярышлары узды.

Казанда “Умники и умницы” уены узачак. Уенның темасы – “Зөя һәм Болгар тарихлары”.

Уенда катнашыр өчен 29 муниципаль районнан 75 10нчы сыйныф укучылары теркәлгән.

15-18 май көннәрендә “Костер” Республика балалар белем бирү – сәламәтләндерү үзәгендә “Инициатива – 2017” Татарстан Республикасы балалар хәрәкәте фестивале узачак.

Бүген халыкара гаилә көнендә Татарстанның Дәүләт Советы рәисе Фәрит Мөхәммәтшин ятим балаларны тәрбиягә алган 80 гаилә белән очрашты. Татарстанда тәрбиягә бала алган 1513 гаилә исәпләнә. Аларның 300 е күп балалы гаилә булып санала. Бу гаиләләрдә барлыгы 2907 бала тәрбияләнә. Республикада тәрбиягә бала алучы гаиләләр институтының ныклы эшләве нәтиҗәсендә, дүрт балалар йорты ябылган.