Татарстан Республикасында "Яшь профессионаллар" чемпионатының сайлап алу турлары дәвам итә

14-16нчы декабрьдә Казан радиомеханика көллиятендә Татарстан республикасының "Яшь профессионаллар" (WorldSkills Russia) 2017 чемпионатының «Электроника» юнәлеше буенча сайлап алу туры булып узды.

Чемпионатта 12 команда катнашты: Казан радиомеханика көллияте, Казан энергетика көллияте, Әлмәт һөнәри көллияте, Яр Чаллы политеүхника көллияте, КМТТУ-КАИ каршындагы Инженерия лицее һәм Мәгълүмати технологияләр көллияте, Радиоэлектроника һәм телебагланышлар институты.

Җиңүчеләр:

1нче урын - Артем Гилемянов,Казан радиомеханика көллияте студенты, 

2нче урын - Фәннур Закиров,Казан радиомеханика көллияте студенты, 

3нче урын - Эмиль Исламов, КМТТУ-КАИ каршындагы Инженерия лицее студенты.

13-14нче декабрьдә  Халыкара сервис көллиятендә «Татар ашлары» юнәлеше буенча сайлап алу этаплары оештырылды. Ярышларда 31 студент катнашты.

Биремнәр арасында гөбәдия һәм "Татлы" десерты пешерү бар иде.

Региональ чемпионатка түбәндәге студентлар чыкты:

• Регина Степанова, Халыкара сервис көллияте студенты, 
• Валерия Хмелева, Норлат аграр техникумы студенты,
• Ксения Степанова, Зәй политехника көллияте студенты,
• Зиля Гайфутдинова, Апас аграр көллияте студенты,
• Рамзия Гиззатуллина, Халыкара сервис көллияте студенты.