Лениногорскида «Геодезия» компетенциясе буенча WorldSkills чемпионаты төбәк этабы уза

2019 елның 15 ноябре, җомга

Бу көннәрдә Лениногорск нефть техникумы базасында «Геодезия» компетенциясе буенча «Яшь профессионаллар» төбәк чемпионаты уза. Анда Казан, Чистай, Бөгелмә һәм Лениногорскидан 10 команда катнаша.  Региональ чемпионат җиңүчеләре 15 ноябрьдә игълан ителәчәк, алар Татарстан Республикасы җыелма командасы составында сайлап алу ярышларында катнашачак. Җиңүчеләр WorldSkills Russia VIII Милли чемпионатында катнашу мөмкинлегенә ия булачак.