Бүген Россия Федерациясенең мәгариф һәм фән министры урынбасары Татьяна Синюгина эш визиты белән Казанга килде. Министр урынбасары эш визиты кысаларында «Укытучыны предмет буенча әзерләгәндә теория һәм практиканы интегральләштерү» темасына багышланган халыкара фәнни-гамәли киңәшмәдә катнашты. Т.Синюгина шулай ук укучыларны бөтенроссия һәм республика олимпиадаларына уңышлы әзерләүче Яшел Үзән муниципаль районының Раифа урта гомуми белем бирү мәктәбендә, Казандагы 139нчы гимназиядә дә булды.